27 urte kantuan

Mende laurden bat baino gehiago pasatu da herrian Santa Eskeko ohitura berrabiatu zutenetik. Harrezkero, urtero, otsaileko lehen zapatuan, lagun-talde ederra ateratzen da baserriz baserri. Bihar, zapatua, 08:30ak aldera abiatuko da lagun kuadrilla Ezozibidetik, Eneritz Artetxe eta Beñat Iguaran bertsolariak lagun dituztela.

Santa Eskeko lagunek eskaintzen dutena beti da gauza bera: trikitia, koplak eta umore ona; baserritarrengandik jasotzen dutena ere, beti izaten da gauza bera: jan-edana, limosna eta maitasuna.

Osagai horiekin egiten dute urteroko ibilia, eta horrelaxe sortzen da baserrietako atarietan eta sukaldeetan magia; beti bera eta beti berria!

"Gure taldeak badauka flowa eta hamaika bertute, performantzea eskaintzen dugu limosnatxo baten truke!" (Iazko kopla bat).