.jpg)
Iazko Martxoaren 8ko mobilizazio historikoak ikusita, 2018ko amaieratik bertatik badabiltza dagoeneko aurtengo Martxoaren 8a lantzen elkarte eta mugimendu feministak.
24 orduko greba deialdia
Horren adierazle, azaroan bertan hasi zen Emakumeen Mundu Martxa Martxoaren 8ko greba prestatzen. Besteak beste, ildo horretatik batzarra egin zuten Arrasaten, eta hantxe izan ziren ere Soraluzeko Korner Morea elkarte transfeministako ordezkariak. Eta Euskal Herriko mugimendu feministak dagoeneko egin du 24 orduko greba deialdia Martxoaren 8ari begira.
Bide berari eutsita, herriz herri dabiltza M8 plataformak sortzen eta Soraluzen ere egin dute horretarako deia: urtarrilaren 24an, eguena, 16:00etan eta 19:00etan batzar irekiak izango dira, Herriko Antzokian, bertan parte hartu nahi duenarendako.