Eguen arratsaldean, mastin arrazako zakur batek eraso egin zion Soraluzeko mendizale bati, Bergarako lurretan, Osintxu auzoan. Mendizalea baserri ondotik pasatzen zebilela, bertan lotuta zegoen zakurrak lokarritik lepoa askatu eta eraso egin zion mendizaleari.
Udaltzainei jakinarazpena
Hankan haginka eta gerrialdean atzaparka egin zion. Erasoaren ondorioz, hiru egunez Mendaroko ospitalean egon behar izan du soraluzetarrak. Zorionez, bere osasun egoerak onera egin du eta dagoeneko etxean da.
Bestalde, erasoa gertatu izanaren jakinarazpena helarazi dute Bergarako eta Soraluzeko Udaltzaingoetara.