Gabolats kalean gertatu zen ustezko erasoa. Segurtasun Sailak helarazitako informazioaren arabera, norbaitek poliziari abisu eman zion martitzen goizaldean, eta Ertzaintza etxebizitzara bertaratu zenean, bi biktimak eta ustezko erasotzailea bertan aurkitu zituzten.
Ospitalera
Azken hori, gainera, oraindik oldarkor zegoen eta agenteei aurre egin zien. Poliziak atxilotu egin zuen 25 urteko gaztea, eta Eibarko guardiako Epaitegiaren esku laga zuen. Emakumeei dagokienez, berriz, biek ala biek Debagoieneko Ospitalean jaso behar izan zuten arreta.
Izan ere, ustezko erasotzaileak aurpegian eta buruan kolpatu zuen bere bikotekidea, eta laban batekin ere mehatxatu zuen. Emakumearen laguna labana kentzen ahalegindu zen, baina orduan bera ere kolpatu zuen, aurpegian.