Ilusioa banatu dute Olentzerok eta Mari Domingik Soraluzen

Emozioa eta ilusioa barreiatu dute Olentzerok eta Mari Domingik gaur eguerdian Soraluzeko kaleetan. Zubian eta Plaza Berriaren bueltan herritar, eta batez ere, ume mordoa zain zituztela ailegatu dira Elizburuko eskaileretatik.

Kantuekin eta dantzekin bertaratutakoen ongi-etorria jaso ondoren abiatu dira Alegrek eta Txikitok tiratutako gurdian kalejiran. Gero, kiroldegiko frontoira joan dira guztiak eta han banan-banan batu dituzte txikienen gutunak.