Martxa onean doaz kiroldegiko sabaipeko sarea ipintzeko lanak. Atzo hasita, gaur goizean dagoeneko bukatu dute lehen sarea ipintzeko lanak, eta bigarrena ipintzen dabiltza.
Sarearen helburua da sabaitik jausi litezkeen hormigoizko estaldura-zatiak bertan harrapatzea. Eta hori ziurtatzeko, beharrezko sare geruza guztiak jarri ondoren, haiek tinko eusteko tentsoreak ipiniko dituzte.
Txostena lantzen
Modu horretan, igerilarien segurtasuna bermatuta izango da, eta igerilekua ahalik eta lasterren zabalduko dute. Hori bai, behin-behinerako konponbidea da egiten dabiltzan hori.
Izan ere, igerilekuaren egituraren egoerari buruzko txostena eskatu du Soraluzeko Udalak, eta hantxe zehaztuko dute arazoa behin betiko konpontzeko hartu beharreko neurriak zeintzuk diren.