Soraluzeko Esperientzia Gelaren eskutik, bakardadeari buruz berba egingo dute datorren asteko eguenean Itxaropena Erretiratuen Elkarteko areto nagusian, Conociendo a Soledad Ezagutzen izenburua duen hitzaldia baliatuta.
Arazo soziala
Aukeratu bako bakardadea geroago eta gehiago dago ikusita gaitz sozial modura, arazo sozial modura. Izan ere, bakardadea, norberak aukeratu bakoa denean, eta salbuespenak salbuespen, esperientzia desatsegina da eta larritasuna sentiaraz dezake. Gainera, geroago eta handiagoa da bakarrik bizi den jende kopurua, emakumeak, bereziki.
Psikologoa lagun
Bada, horren guztiaren gainean berba egingo du Aita Menniko Psikologia Saileko departamentu buru Jose Antonio Ezquerra Iribarrenek datorren abenduaren 20an, 18:30ean hasita. Alkarri Elkarteak gonbidatu du eta berorren hitzaldia izango da Esperientzia Gelaren urteko azkeneko ekintza.