Iaz moduan, aurten ere ipiniko dute Gabonetako azoka herriko artisauek. Honako hauek hartuko dute parte: Lorea de Castrok (Aupa Gu!), Idoia Cachok (Kilikilima), Nuria Murok (Oparitxoak), Saadia Nasirrek (Saadia Nasir sorkuntzak), Isa Moranek (koadernatzeak, albumak…), Pablok (larrua) eta Kristina Albisuak (joskintza).
Otarra zozketara
11:00etan hasi eta 14:30ak arte eskainiko dituzte eskuz landutako produktuak eta zerbait erosten dutenei otar baten zozketan parte hartzeko txartela emango diete opari. Hain zuzen, otarra egongo da osatuta artisauek eurek landutako produktu banarekin.