plaentxia.eus

'Plaentxia Kantuan' ekimena sortu dute

  Kultura

Plaentxia Kantuan ekimena sortu dute Itxaropenan. Astelehenero entsaiatu eta tarteka elkarrekin kalera ateratzeko asmoa dute. 

'Plaentxia Kantuan' ekimena sortu dute
Begoña eta Pablo lehen saioa gidatzen. | Ikusi handiago | Argazki originala

Hogeitabost pertsona inguru batu dira bi astelehenez jarraian Itxaropenako saio aretoan, kanturako gogoz. Begoñak espero zituenak baino dezentez gehiago ziren: “nik pentsatzen nuen 5-6 lagun batuko ginela, baina jende mordoa batu da”.

Eibarko esperientzia eskolatik ekarri du ideia. Izan ere, Eibarren antzeko kantu-talde bat sortu zuten orain dela urte batzuk, eta Begoñak hura ezagututa pentsatu zuen herrian antzeko talde bat martxan jartzea.
Musikari bat behar eta Pablo Arruabarrena soinujolea gonbidatu zuen. Honek laster eman zion baiezkoa eta astelehenean zuzendu zuzendu zuten lehenengo saioa.

Euskaraz eta gazteleraz

Euskarazko zein gaztelerazko kantuak landuko dituzte: Agur Xiberua, Boga-boga, Habanera, A la orilla de un Palmar, De colores… Eta, horiekin eta Soraluzeko kantuekin, liburuxka mardul bat kaleratu nahi dute laster. Kalera ere aterako, “pintxopotean edo”, eta edozeinek izango du parte hartzeko aukera.
Hurrengo entsaioa: astelehenean, arratsaldeko 18:00etan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa