Ipiñarrietako iturburutik edaten du Plaza Berriko iturriak. Hain zuzen ere, 1,5 kilometroko hodi batek ekartzen ditu urak handik kaleraino. Eta ibilbidean baditu hainbat azpiegitura nabarmen. Antzinakoa da, gainera, iturri hori, harri eta harlauza bereziak dituena, eta diseinua ere landutakoa du.
Eskuorria opari
Halakoak eta beste azalduko ditu datorren asteko eguaztenean, azaroaren 28an Javier Elortza historialariak. Hitzaldia egingo du osoko bilkuren aretoan Plaza Berriko iturriaren historia esplikatzeko, Soraluzeri hiribildu izaera eman ziotela 675. urteurrenaren baitako ekimen modura. 19:00etan hasiko da eta interesa duen edozein bertara daiteke.
Horrekin batera, bertaratzen direnei eskuorri bana emango diete, iturriaren jatorriaren berri, uren ibilbidearen planoa eta beste hainbat datu dituen eskuorria. Atzoko osoko bilkuraren amaieran eman zuen horren guztiaren berri Iker Aldazabal alkateak, hitzaldirako gonbita egiteaz batera.