'Herri Txiki, Infernu Handi' saioaren ingurukoak Sorapedian jaso dituzte

Adibidez, zer da Total-Kruntx?: Maddalena eta Joxe Manuelen aparatoan ibili ondoren gure gerriak egiten duen soinua.

Edo, zeintzuk dira Gregoritoren abizenak? Gregorio Uribe Albizuribe Etxeberria Aranguren Kortazar Kortaberria, natural de Cuenca, alias "Gregorito", alias "Sinatra", sin atractivo alguno.

Eta Baratza-Dantza? Ze dantza mota da hori? Soraluzeko baratzetan, katiuskak jantzita eta rantxeren erritmoan egiten den dantza.

Guztira lau sarrera berrirekin elikatu da Sorapedia Herri Txiki, Infernu Handik Soraluzen geldialdia egin zuenetik: goian aipatutako hirurak gehi Herri Txiki, Infernu Handiren Soraluzeko kapituluari buruzkoa. Horri lagunduta, saioan erakutsi zituzten bideo guztiak ere jaso ditu Soraluzeko entziklopedia digitalak.