Aurreko osoko bilkurako akta onartzeaz eta alkatetzaren dekretuen berri emateaz aparte, beste hiru gai landuko ditu udalbatzak eguazteneko osoko bilkuran. Horien artean, bi hitzarmen onartzea proposatuko dio Udal Gobernuak oposizioari:
- 1- Dolmenen Ibilbideari dagokiona: lankidetza hitzarmena Bergara, Elgoibar eta Soraluzeko udalak, Debemen (Landa Garapen Elkartea) eta Debegesaren artean (Debabarreneko Garapen Ekonomikorako Elkartea) Dolmenen Ibilbidea proiektuaren kudeaketarako eta garapenarendako.
- 2- 2018ko Enplegu Planari dagokiona: Enplegua eta tokiko garapena sustatzeko proiektuak, Lanbide - euskal enplegu zerbitzuak diruz laguntzen dituenak, gauzatzeko Elgoibarko, Soraluzeko, Mendaroko, Debako eta Mutrikuko udalen artean burutzen den gestioa Debabarreneko lurralde eremuaren esku uzteko hitzarmena.