Gaztaina-jan ederrarekin ospatu zuten Gaztañerre Plaentxi Eskolan

40 kilo gaztaina banatu zituzten astelehenean Plaentxi Eskolan, Gaztañerre Eguna ospatzeko. Bertsoak eta Gaztañerrekin lotutako kantuak abestu zituzten ekitaldia hasteko, eta ondoren, periodiko paperekin egindako kukurutxoetan gaztainak hartu, borobilean jarri eta merienda gozoa egin zuten elkarrekin.

Eskolako sarrera Gaztañerrekin eta udazkenarekin lotutako motiboekin dekoratuta dutela ospatu dute asteon Gaztañerre Eguna Plaentxi Eskolan. Astelehenean egin zuten, hain zuzen, ospakizun nagusia, egunarekin lotutako bertsoak eta kantuak abestuz eta ondoren gaztainak janez.

Hiru orduz

Gaztainak prestatzen jardun zuten hiru orduz, 40 kilo gaztaina erre zituzten bertara eramandako danbolinean, eta ondoren bosna gaztaina banatu zizkieten patioan elkartu ziren neska-mutikoei. Haiek, zela ez, borobilean eseri, eta lagun artean gustura asko jan zuten egun horretako merienda ez-ohikoa.