'Herri Txiki, Infernu Handi Soraluzen' emitituko dute domekan

Datorren domekan emitituko dute Soraluzen grabatutako programa, gaueko 22:00ak inguruan, ETB1 katean. Programak Soraluze eta soraluzetarrak izango ditu protagonista.

Zuhaitz Gurrutxaga Ezozi Arizagarekin dantzan; Munetako Jose gimnasia egiten jo eta fuego; Gregorito haren goitizen Sinatrari buruzko azalpenak ematen, edo Juan Luis Ugalde esanez Cristobal Colon Soraluzen jaio zela. Horiek eta beste hainbat kontu eskainiko ditu urrian herrian grabatu zuten Herri Txiki Infernu Handi saioak.