Neguko ordutegia kiroldegian

Arane kiroldegia kanpotik, atzo eguena.

Bihar, zapatua, indarrean sartuko da neguko ordutegia Soraluzeko kiroldegian. Horrek esan nahi du azarotik martxora bitartean (biak barne) zapatu arratsaldeetan ere zabalik izango direla bertako instalazioak. Bestalde, aurten Udal Kiroldegiak inoizko abonatu kopururik handiena lortu du.

Bihartik, azaroaren 3, kiroldegia zapatu arratsaldeetan ere zabalduko dute, 16:00etatik 19:00ak bitartean, neguko ordutegia aplikatzen hasiko dira-eta. Salbuespenak izango ditu, jakina, ordutegi horrek, zapatua jai-eguna edo Soraluzen egun berezia bada. Adibidez, Gaztañerre Egunean goizez bakarrik zabalduko dute.

950 abonatu pasa

Bestalde, Soraluzeko Udalak jakinarazi du aurten inoizko bazkide kopururik handiena lortu dutela Arane kiroldegian: 950tik gora abonatu izango dira urtea amaitzerako. Eta gogora ekarri du instalazioak handitzeko egitasmoa lantzen dabiltzala.

Erlazionatuak

Udal kiroldegiko abonatuak gorantz

Erabiltzailearen aurpegia

Udal Kiroldegiak inoizko abonatu kopururik handiena dauka; urtea amaitzerako 950 pertsonatik gora izango dira abonamendua atera duten herritarrak; ...