Deba eskualdeko hamar udalerritako odol emaileak omenduko dituzte bihar Eibarren, eguerdi partean hasiko den ekitaldian. Hain zuzen ere, Eibarko Untzaga Plazan egin dute hitzordua, 13:15ean. Harrera ekitaldiaren ondoren, 13:30ean hasiko da intsigniak banatzekoa.
Zazpi soraluzetar
Aitortza jasoko dutenen artean zazpi soraluzetar ere izango dira: odola 25 bider ematearren: Migel Elizburu eta Beroska Zarobe; 40 bider ematearren Margarita Artolazabal, Itziar Lizarralde eta Koro Zenitagoia; eta 50 bider ematearren Jesus Gil eta Iñaki Iñarra.
Intsigniak banatu eta gero, elkarrekin bazkalduko dute guztiek.