11:00etan txupina jaurtita emango diote hasiera Kukumixo Egunari. Plaza Berrian egingo dute hori. Eta horren ondoren hasiko dira jolasak, tailerrak eta ginkana; horiek guztiak Plaza Zaharreko karparen babespean.
Puzgarriak
Kukumixo Eguneko beste ospakizun puntu bat izango da, berriz, kiroldegia, bertan ipiniko dituzte-eta puzgarriak. Goizez 11:00-14:30ak bitartean, eta arratsaldean, berriz, 16:30etik 18:00ak bitartean.
Pailazoak
Eta goiz-eguerdiko ospakizunak borobiltzeko, eguerdi partean salda eta txorizoa prestatuko dute eta 14:30ean argazki erraldoia aterako dute.
Arratsaldeko jardunari dagokionez, berriz, puzgarriez aparte, 18:30ean Txuski eta Purruski pailazoek antzezlana egingo dute Gaztetxean eta 20:00etan Eonian elektrotxarangak jarriko du martxa herrigunean.