plaentxia.eus

Soraluze XV. mendean zelakoa zen azalduko du Elortza historialariak

  Gizartea

1343. urtean jaso zuen Soraluzek hiribildu izendapena. Herritar batzuk, setiatuta zegoen Algeciras aldera joan zirenak Gebara merinoarekin, lortu zuten beharrezko errege-gutun ofiziala hiribildua sortzeko. Alfonso XI.a erregeak eman zien gutun hori, Placencia izenarekin. Bada, izendapenaren 675. urteurrena den honetan, XV. mendeko Soraluzeren gaineko hitzaldia eskainiko du Javier Elortza Maiztegi herriko historialariak, urriaren 24an.

Soraluze XV. mendean zelakoa zen azalduko du Elortza historialariak
Javier Elortza historialaria. | Ikusi handiago | Argazki originala

Urriaren 15ean, astelehena, bete zituen hain justu ere, Soraluzek 675 urte. Eta urteurren hori ospatzeko Udalak antolatu dituen ekitaldien baitan datorren eguaztenean, 19:00etan, Javier Elortza Maiztegi herriko historialariak hitzaldia eskainiko du udaletxeko osoko bilkuren aretoan, Soraluze / Placencia XV. mendean izenburuarekin.

Toponimoak eta beste

Besteak beste, orduko Soraluze zelakoa zen erakusten duen dokumentu grafikoa, plano moduko bat sortu dute Elortzak berak aztertutako eta landutako dokumentu historikoetan oinarritutakoa. Bertan ikus daiteke herria zela zegoen antolatuta XV. mendean: ze etxe zegoen eraikita, ze kale eta plaza existitzen ziren, orduko toponimoak…

Planoa opari

Gainera, hitzaldira bertaratzen direnei XV. mendeko hiribildua birsortzen duen planoa oparituko diete eta hitzaldiaren amaieran mokadua egiteko aukera ere izango da.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa