Gerdak eta La Ultima Balak joko dute gaur gauean Gaztetxean

Gerdak eta La Ultima Balak joko dute gaur gauean Gaztetxean
La Ultima Bala taldea.

Punka eta rocka nahastuko dituen jaialdia antolatu dute Gaztetxean gaur gauerako. Jaialdia 22:00etan hasiko da.  

Italiarren punk-a hasteko

Gerda talde italiarrak hasiko du kontzertua. Honela dio bere fitxak: "Italiarrak dira, 1997tik bizitza inteligentearen, azalera bertikalen eta punk jantzien artean dagoen harremana ikertzen dihardutenak. Hainbat doktore-tesi argitaratu dituzte ikerketa-zentru italiarrik onenetan: Walace, Shove, Concubine SonsofVesta, Sonatine, BloodySound. Ekipoa osatzen dute: Andrea Pasqualinik kaosaren analisian, Roberto Vilottak konfusioaren teorian, Alessio Compagnuccik desordenaren logikan eta Alessandro Turciok desastrearen anatomian”.  

Ondoren, La Ultima Balaren rock-a 

La Ultima Bala 2016an sortutako Rock&Roll taldea da. Gaur egun, taldeko kideak dira Igor Rodriguez (ahotsa eta baxua), Adrian Muñoz (gitarra) eta Javier Olmo (bateria). Zaldibarren dute “operazio-gunea” eta "Gari Rock" elkartean entsaiatzen dute. Bertan sortu dituzte hainbat lan, euren rock pertsonal eta freskoaren zigilua daramatenak.

Hamarretan hasiko da

Kartelean kontzertuak 20:00etan hasiko zirela iragartzen bazuten ere, antolakuntzak esan du kontzertuak 22:00etan hasiko direla.