plaentxia.eus

Antzinako Soraluze argazkitan, kalean

  Gizartea

10-12 bat argazkik antzina Soraluze zelakoa zen erakutsiko dute, kalean, erakusketa erraldoi modura. Euscalduna lantegia, antzinako hiltegia, Erregetxea… eta beste hainbat leku eta eraikin erakutsiko dituzte. Aurten (urriaren 15ean) Soraluzek hiribildu-izendapena jaso zueneko 675. urteurrena dela-eta ipiniko dituzte argazki-panelak.

Antzinako Soraluze argazkitan, kalean
S. A. Euscalduna lantegia. Argazkia. Sorapedia / Serpaio Múgica. | Ikusi handiago | Argazki originala

Tamaina handiko argazkiak baliatuta, antzina Soraluze zelakoa zen erakusteko erakusketa ipiniko dute datozen egunotan udal langileek. Soraluzeko Udalak eta Kontrargi Argazki Kolektiboak elkarlanean landutako erakusketa da, 10-12 bat argazki-panelez osatutakoa eta kalean ipiniko dutena.

Antzinako hiltegia eta beste 

Alberto Arizagak, Kontrargiko kideak esplikatutakoaren arabera, argazkiak ipiniko dituzte argazkiek eurek erakusten duten irudi edo eraikinetatik gertu: “Egoitzako igogailu inguruan egoitzaren argazkia ipiniko dugu, Santa Ana kalean bertakoa, Euscalduna lantegiarena kiroldegi inguruan, antzinako hiltegiaren argazkia orain anbulatorioa dagoen lekuan, Erregetxeko eraikinarena plazako paretan, orain Kutxa dagoen lekuan lehenagoko etxearen argazkia ipiniko dugu, Gabolatsen ere ipiniko dugu beste panel bat (tabako denda parean) eta Plaza Berriko paretan beste bat, adibidez”. 

Oraingoz argazkiak bakarrik ipiniko dituzte, baina mahai gainean badute ere, argazkiekin batera bertan azaltzen denaren gaineko informazioa ipintzea: “Oraingoan ez, baina badugu hori buruan, eta seguru aski aurrerago informazioa gehituko dizkiegu argazkiei”, dio Arizagak.

Abenduan beste bat 

Hark gaineratu duenez, berriz, abenduan beste argazki erakusketa bat ipintzeko asmoa du Kontrargik, “argazki bikoitzekin”. Kasu horretan, euren asmoa da erakustea udalerriko hainbat leku lehen zela zeuden eta orain zela dauden. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa