plaentxia.eus

Ardiarekin atzera eta aurrera

  Gizartea

Badira pare bat egun Soraluzen goizean goiz ardi bat errepidean azaldu, eta batean batera eta bestean bestera ibili dela, udaltzainak atzetik zituela. Atzo, Sagar Errekatik herrirantz egin zuen, gaur goizean berriz, Errebaletik agertu da lekukoen ezusterako. Gaurkoan Maltzagarantz egin du. Bihar ere etorriko ote da?

“Atzo Sagar Erreka ingurutik azaldu zen, Baltegieta kaleko bazter batean ia harrapatu genuen, baina hanka egin eta egoitzarako aldapatik egin zuen gora, Erlaegirantz. Gaur goizean, berriz, inspekziora etorri eta hara! han zegoen ardia ate aurrean! Oraingoan Maltzagarantz joan da, uste dugu Iruretik gora egin duela”; kontatu dituzte bi egunotako gertakariak udaltzainek.

Ikusmina

Izan ere, eurei, udaltzainei tokatu zaie galdutako ardiaren atzetik ibiltzea, goizean goiz ibili ere. Gertakaria ikusi dutenen artean zeresana piztu du hark. Duda barik ez da batere ohikoa-eta ardia herri erditik ikustea, eta are gutxiago udaltzainak atzetik dituela.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa