Atzo, Katalunian, iazko erreferendumaren urteurrena gogoratu eta Estatuaren poliziak erabili zuen indarkeria salatu zuten milaka herritarrek. Gure Esku Dago mugimenduak elkartasuna adierazi nahi izan zien erabakitzeko eskubidearen alde diharduten kataluniarrei, eta Euskal Herriko herri askotan deitu zituzten elkarretaratzeak, tartean, Soraluzen. Euskal mugimenduaren ordezkaritza bat Waterloon bildu zen atzo, Carles Puigdemon presidente erbesteratuarekin.
Lazo horia, Kataluniarekiko elkartasunez
Atzo arratsaldean, "Askatasuna erabakitzea da" lemapean, hogeiren bat lagunek elkarretaratzea egin zuten Plaza Berrian. Ostean, lazo horia jarri zioten Gure Esku Dagok Zubi Nagusian ezarria duen egurrezko eskuari.