Europako Kontseiluak 2001ean izendatu zuen Hizkuntzen Europako Eguna irailaren 26a. Izendapenaren helburua hizkuntzen ikaskuntza sustatzea da. Soraluzen hogei bat hizkuntza berba egiten direla kalkulatu du Pil-pilean Euskaltzaleen Elkarteak.
Urte hasieran, Soraluzen berba egiten diren hizkuntzak aztertu zituen Pil-pileanek eta ondorioztatu zuen, guztira, hogei bat hizkuntzatako hiztunak daudela herrian. Gero, hiztun horietatik hamairu elkarrizketatu zituen eta euren lekukotasunak jaso zituen ikusentzunezko batean. Frantsesa, wolofa, ukraniera, bangladesera, arabiera, alemaniera… eta beste hizkuntza batzuetako hiztunak ageri dira bertan.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.