Bariku goizean, lanean ziharduela hil zen Ondarroan German Rodriguez, eta haren "familiari elkartasuna adierazteko eta lan istripuen drama salatzeko" elkarretaratzea deitu dute ELAk eta LABek.
Soraluzeko EH Bilduk oharra kaleratu du Germanen familia eta lagunei doluminak adieraziz eta lan istripuen "drama" salatuz: "Zoritxarrez, lanean gertatutako istripuak ohikoak dira. Inork ez luke bizitza galdu behar lanean ari dela". Koalizioak bat egin du deialdiarekin eta Soraluzeko herritarrei dei egin die bertaratu daitezen.
