Abuztuko lehenengo domekan ospatzen dira Irureko jaiak, eta halaxe ospatu dira aurten ere, abuztuaren 5ean.
San Estebanen ermitan meza entzun ostean, auzotarrak Irure Handikoa baserriaren estalpean batu ziren luntxa jatera. Aurten, gainera, sanadrestar mordoxka ere hurreratu zen Irurera eta jende mordoxka elkartu zen bertan.
Lutxurdio eta Bixkai bikotearen trikiti doinuek alaituta, tertulia ederrean jardun zuten bazkal ordura arte.
