27: Rock izarrak bizi-bizirik

Ubane Madera 2018ko uzt. 28a, 14:03

Berpiztu eta atzera ere distira egin zuten rock izar mitikoek bart gauean, Soraluzeko artistei esker. Plaza Zaharra lepo zela artistak taulara igo eta hortik aurrera guztia izan zen dantza eta kantua, bikain interpretatuta. Euria ez zen gauza izan herritarrek egindako Jaialdiaren arrakasta zapuzteko. Dotore, indartsu, dena emanda jardunda, beste urtebetez asebeteta utzi zituzten ikusleak.