Tableta, umeendako jolasak, asteburu-pasak, deskontu-txartelak herriko saltokietan erabiltzeko, afariak, elikagaiak, Puntu.eus-en saskiak… denetik eta gehiago izango du gaur, eguaztena, 18:00etan zabalduko duten Kukumixoren tonbolak, Plaza Berrian.
Herritarrek emandakoak
600 oparitik gora gertu dituzte tonbolarako, guztiak ere herriko elkarteek, komertzioek eta norbanakoek emandakoak. Euro baten truke eskuratu ahalko da txartel bakoitza, sei txartel, berriz, bost euroren truke. Zentzu horretan, Kukumixok eskerrak eman nahi dizkie opariak eman dizkieten guztiei.
Tonbolan irabazitako dirua erabiliko dute urrian taldearen hamargarren urteurreneko ospakizunak finantzatzeko.