plaentxia.eus

Beheranzko joerarekin segitzen du langabeziak Soraluzen

  Gizartea

Jaitsi egin da langabe kopurua Soraluzen: %13,82tik %12,91ra jaitsi da langabezia tasa maiatzarekin alderatuta. Azpimarratzekoa da eskualdean jaitsiera handiena izan duen udalerria dela Soraluze. Hori bai, Soraluze da, baita ere, eskualdean langabe gehien dituen udalerria. 

Guztira, 242 langabe zerrendatu zituzten ekainean udalerrian, maiatzean baino 17 lagun gutxiago. 

Eskualdean denean behera 

Soraluzek izan duen beheranzko joera hori orokorra izan da ekainean Debabarrenean; eskualdeko herri guztietan jaitsi da-eta langabe kopurua. Datu osoa da ekainean 2.804 langabe kontabilizatu zituztela Debabarrenean, maiatzean baino 77 gutxiago. 

Eta aldatzen ez den datua da Soraluzek duela eskualdean langabe kopururik handiena; Eibar dator ondoren eta Elgoibar gero. 

Herrietako datuak 

Udalerriz udalerri hona hementxe datuak:

  • Deba: 173 - %6,49
  • Eibar: 1.627 - %12,77
  • Elgoibar: 505 - %9,13
  • Mendaro: 75 - %7,58
  • Mutriku: 182 - %6,84
  • Soraluze: 242 - %12,91
  • Debabarrena: 2.804 - %10,60 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa