plaentxia.eus

Jaietako txupinazoa kanoiarekin

  Jaiak

Santiago egunean, uztailaren 25ean, hasiko dira aurten herriko jaiak eta uztailaren 28an, zapatuan, bukatu. Aurten, txupinazo bereziarekin abiaraziko dituzte jaiak: danborradako kanoia erabiliko dute jaien hasiera iragartzeko, 19:00etan, udaletxeko kontzejupetik. Euskaraldirako Soraluzeko hamaikakoa arduratuko da “kainoikada” botatzeaz.

Jaietako txupinazoa kanoiarekin
Iazko txupinazoa. Argazkia: Fernan Oregi. | Ikusi handiago | Argazki originala

Iazko aurrekontu berberarekin (68.500 euro, Andra Mari jaiak barne) ohiko ikuskizunak eta berriak uztartuko ditu jaietako egitarauak. Aurrerapen modura, eguenean Golden Apple Quartet musika-talde umoristikoa izango da eta zapatuan Tio Teronen Semeak dantza ikuskizuna.

Herri ikuskizuna eta beste

Ohiko ekitaldien artean, berriz, kale egin barik taularatuko dute aurten ere herri-ikuskizuna, hildako musikarien kantuekin; eta nagusien danborradak ere eutsiko dio aurtengo hitzorduari. Bestalde, frontoia DJ-en topaleku bilakatuko da Gune Musik kolektiboaren eskutik. 

Soraluzeko Udalak, Galtzagorriek eta Gune Musik taldeek osatu dute aurten jaietako batzordea.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa