Txalo zaparradarekin agurtu zuen denboraldia abesbatzak

Gorri-beltz jantzita, aldareko eskailerak agertoki zituztela, pianoaren laguntzarekin batzuetan, dantzan bestetan, dotore eta indartsu agurtu zuen denboraldia Ezoziko Ama Abesbatzak zapatu iluntzean, elizan. Kantu herrikoiak eta modernoak tartekatu zituzten, guztiak ere ezagun askoak. Irailera arte atseden hartuko zutela jakinarazi zuten.

11 kantuko errepertorioa taularatu zuen abesbatzak. Ken Zazpiren Itsasoa Gara, Michael Jacksonen Heal the World, Izar ederrak, Beberly Ross eta J. Dixonen Lollipop, Mikel Urdangarinen Usaiak zein errezo zulu bat tartekatu zituzten, bestelakoen artean, errepertorio horren aniztasunaren adierazgarri. Kantu sortaren bukaeran bis eta guzti egin zuten. 

Txalo zaparrada

Aitor Garitano Agirreolea zuzendari berriarekin Ezoziko Ama Abesbatzak landu duen lehen kontzertua izan zen zapatukoa. Eta bertaratu ziren ikusleek gustuko zutela adierazi zioten hari eta abesbatzako kideei, kantu bakoitzaren amaiera txalo zaparradarekin eskertuta. 

 

Erlazionatuak

Ken Zazpiren 'Itsasoa Gara'

Soraluze

Ken Zazpi musika taldearen Itsasoa Gara kantu ezaguna interpretatu zuten, gozo asko.
'Lollipop' kantua, 50eko hamarkadakoa

Soraluze

1958. urteko Lollipop kantuak oso harrera ona izan zuen ikusleen artean. Koreografia sinpatikoarekin interpretatu zuten abesbatzako kideek.
Mikel Urdangarinen 'Usaiak' kantua

Soraluze

Mikel Urdangarinen Usaiak kantua ere interpretatu zuten, gozo asko.
'Ukuthula' zuluen otoitza

Soraluze

Ukuthula izena duen zuluen otoitza kantatu zuen Ezoziko Ama Abesbatzak. Aldareko eskaileretatik jaitsi eta elizako jarlekuen bueltan ipinita kantat...
'Kaiku' kantua, eskupeko modura

Soraluze

Kantaldiaren amaieran, Kaiku kantua atzera ere abestu zuten, bis modura.