Esku baranda berriak, bi puntutan

Esku baranda berriak, bi puntutan
Gabolatseko aldapako baranda berria.

Gabolatsen zein frontoian, bietan ipini ditu eskudel edo esku baranda berriak Soraluzeko Udalak. Gabolatseko kasuan, bertako aldapan ipini dute, inguruko urbanizazio lanen barruan, eta frontoian, bertako eskaileretan irisgarritasun planean “aurreikusitakoaren” arabera eta “bizilagunen eskaria aintzat hartuta”.

Barikuan hasi zituzten esku baranda berriak ipintzeko lanak. Gabolatsekoaren kasuan, berria lehengoa baino dezente estuagoa da, kaleari ahalik eta espaziorik gehiena irabazteko asmoarekin ipini dutena.

Frontoikoari dagokionez berriz, alkateak esplikatu du hala eskatu zutela bizilagunek eta bertarako irisgarritasun planean ere horrela aurreikusita zegoela.