Jaiak baino hilabete lehenago hasita, zortzi bat entsegu egingo ditu Nagusien Danborradak. Martitzenetan eta eguenetan dira hitzorduak, 20:00etatik 21:00ak bitartean, frontoian.
Ohi denez, udalerriko jaietako Santiago gauean egingo du ikuskizuna danborradak, 23:00etan Txurrukendik irtenda eta Zubi Nagusian 01:00etan bukatuta, ibilbidean geldiuneak eginez.
Aurten ere nagusiena da jaietan izango den danborrada bakarra, umeenak joan den urtetik laga egin dio-eta irteteari, parte-hartzeko kide nahikorik ez delako lortu.