Paraje politak, giro ederra eta antolaketa bikaina.
Osagai horiekin, primeran ibili dira asteburu-pasa Hondarribia ingurura joan diren soraluzetarrak. Zapatuan Pasaia-Ama Guadalupe ibilbidea egin zuten, 12 bat kilometrokoa. Oinez zein txalupan ibili ziren, gainera, Pasai Donibanera pasatzeko, umeen gozamenerako.
"Paraje politak"
Juan Sebastian Elkano Hondarribiko aterpetxean bapo afaldu, pijama-festa egin eta noski, gaua pasatu ondoren, biharamunean Ziburutik Hendaiara arteko ibilbidea egin zuten soraluzetarrek, hura 10 bat kilometrokoa, “zelako paraje politak”, kontatu dute.
Horrez aparte, bi egunetan hondartzan bukatu zuten mendiko nekeak freskotan lagatzen, eguraldia ere lagun izan zuten azkenean-eta.