plaentxia.eus

Musikaz ikasitakoa erakusten

  Kultura
Musikaz ikasitakoa erakusten

Atzo, eguaztena, Soraluzeko Musika Eskolan instrumentuaren lehen urtea egin duten ikasleek Nire Lehen Kontzertua izeneko musika erakustaldia egin zuten, gurasoen eta bestelako bisitarien aurrean. Haiekin batera, bukaeran, mailaz pasatzeko frogan diploma eskuratu dutenek elkarrekin jo zuten kontzertua. (Argazkiak: Fernan Oregi)

Nire Lehen Kontzertua ekimenean 15 ikaslek parte hartu zuen, honako instrumentuekin: pianoak, flautak, klarineteak, saxofoia, trikitia, kitarra, baxu elektrikoa, eta bibolina. Domentx Uzin musika irakasleak kontatutakoaren arabera, “ilusio handiarekin” erakutsi zuten ikasturtean landutakoa bertaratu zirenen aurrean.

Diploma eskuratu duten ikasleei dagokienez, berriz, haiek goiko mailara pasatzeko aukera eskuratu dute. Aurten hiru ikaslek lortu dute diploma: bi pianok eta flauta batek.

Ikasturte amaierakoak

Maiatzean eta ekainean ekimen sorta ditu abiarazita Soraluzeko Musika Eskolak. Datorren ikasturteari begira dabiltza dagoeneko, matrikulazio kanpaina zabalik dute-eta ekainaren 22ra arte.

Horrez aparte, ikasturte amaierako kontzertua prestatzen ere badabiltza. Azken hori ekainaren 20an egingo dute, 18:30ean frontoian, han taula ipinita, aterpean. 50 ikasle pasak parte hartuko du, talde handietan kantuak interpretatuz. 

Ikusi argazki guztiak handiago

Musikaz ikasitakoa erakusten  - 1

Musikaz ikasitakoa erakusten  - 2

Musikaz ikasitakoa erakusten  - 3

Musikaz ikasitakoa erakusten  - 4

Musikaz ikasitakoa erakusten  - 5

Musikaz ikasitakoa erakusten  - 6

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa