Santillana eta Suances bisitatzen ibili dira erretiratuak, “oso ondo”

Santillana del Mar, Altamirako museoa eta Suances bisitatu zituzten, besteak beste, 55 soraluzetarrek eguaztenean. Itxaropena Erretiratuen Elkartearen eskutik egin zuten txangoa erretiratuek eta pentsiodunek. Hurrengo irteera, uztailaren 11n egingo dute, Hondarribia-Donibane Lohitzunera.

Eguraldia lagun, “giro ona” izan zuten soraluzetarrek eguaztenean Kantabria aldera egindako txangoan; “oso ondo” ibili zirela kontatu dute. Ondo aprobetxatu zuten eguna, gainera, 21:00etan ailegatu ziren-eta bueltan Soraluzera. 

Hondarribia-Donibane Lohitzune

Eta dagoeneko pentsatuta dute hurrengo nora joango diren: Hondarribia-Donibane Lohitzunera egingo dute txangoa, uztailaren 11an. 

Honako plana egin dute: hamarretakoa Hondarribian eginda, joango dira Donibane Lohitzune ikustera. Gero Hondarribira bueltatuko dira, bazkal ordura arte. Arratsaldean, berriz, Tren Berdean ibiliko dira, eta haren bitartez Hondarribian bisita gidatua egingo dute: hondartza, kaia… ikusi ondoren, alde zaharretik emango dute buelta; gida batek lagunduta egingo dute bisita.

Txango horretarako izena eman daiteke uztailaren 5a baino lehen. 28 euro pertsonako da prezioa. 

Uztailaren 17an dantzaldia

Bestalde, uztailerako beste hitzordu bat ere egin dute uztailaren 17an Mus, Tute eta Briska Txapelketetako sari banaketa egingo dute, 17:30ean; ondoren luncha izango dute, eta gero dantzaldia, Soraluzeko Flamenko Taldearekin, iaz egin zuten modura. 

Erlazionatuak

Santillana del Mar ikusten

Soraluze

Santillana del Mar udalerriko altxorrak bertatik bertara bisitatu zituzten soraluzetarrek eguaztenean.