plaentxia.eus

Gaztelekuko itoginak konpontzen dabiltza

  Gizartea

Oraingo astean hasita, gaztelekuan zeuden itoginak konpontzeko lanak egiten dabil Aterki enpresa. 13.000 euro bideratuko dituzte konponketa lan horietara. Gaztelekuko teilatuak berak itoginak izateaz aparte, teilatura botatzen dituzten freskagarrien latek trabatu egin dute urak bideratzeko zorrotena edo bajantea, itoginak areagotuz.

Gaztelekuko itoginak konpontzen dabiltza
Langileak kiroldegiko teilatua konpontzen. | Ikusi handiago | Argazki originala

Hain justu ere, udal langileek teilatuaren egoera aztertu zutenean konturatu ziren urak teilatutik lurrera bideratzeko zorrotena edo bajantea trabatuta, buxatuta zegoela. Iker Aldazabal alkateak emandako xehetasunen arabera, teilatuan freskagarri latak aurkitu zituzten, bertara botata. 

Hodia trabatuta

Lata horiek pilatu eta buxadura eragin dute urak bideratzeko hodian, eta horren ondorioz, areagotu egin dira itoginak eta ur dezente sartu izan da gaztelekura. 

Zentzu horretan, Soraluzeko Udaletik gogora ekarri dute kiroldegiko terrazan badaudela egon zakarrontziak, eta bertan egoten direnei haiek erabiltzeko eskatu diete. 

Diru-laguntza

13.000 euro (BEZ barne) kostako da gaztelekuko itoginak konpontzea. Soraluzeko Udalak orain abiatu ditu lanak, Gipuzkoako Foru Aldunditik 10.000 euroko diru-laguntza jaso dutela aprobetxatuta.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa