Mendiari hesia, babesteko

Mendiari hesia, babesteko
Arribiribileta ingurua hesiz babestuta. Argazkia: Julian Ezenarro.

Iragarri zuten, eta gauzatu dute: hesitura ipini dute Arribiribileta zutarri inguruan, berau motorzaleengandik babesteko. Kartela ere ipini dute, inguru hura babestu beharrekoa dela adierazten duen dekretua badagoela gogora ekarrita.

Zaindu Arribiribileta dio ezenarrotar anaiek mendigaineko zutarria babesteko ipinitako hesiturako kartelak. Apirilean jakinarazi zuten mendigaineko lur gehienen jabe diren Julian eta Martin Ezenarro osintxuarrek hainbat eremu hesiz itxi egin behar zituztela, inguruan ibiltzen diren motorzaleengandik babesteko: “Motorzale okupa basati horiek zutarri ondotik ibiltzen direnez eta nahiz eta salaketa asko jarri agintariek ezer egiten ez dutenez, lur zati handi bat ixtea erabaki dugu”.

 

Bada esan eta egin. Dagoeneko hesitura ipini eta zutarrira gerturatzea galarazi dute modu horretan.