Kirol Eguna izango da zapatuan Soraluzen. Eta haren bueltako ekitaldiak Plaza Zaharrean, Zubi Nagusian eta Erregetxen egingo dituzte (zumba, oreka tailerra, rapela…). Hori dela-eta, erdigune guztia itxi egingo dute ibilgailuendako, 10:30etik. Era berean, ordurako Zubi Nagusian aparkatuta dauden ibilgailuak erretiratu egin beharko dira.
Kirol Egunari dagokionez, sei kirol jarduera probatzeko edo ikusteko aukera izango da zapatuan:
- 10:30-13:30ean, piraguismoa.
- 11:00etatik 14:00etara, oreka tailerra (Plaza Zaharrean).
- 11:00-14:00etara, rapela Erregetxen.
- 12:30-14:00etara, zumba Zubi Nagusian.
- 19:00etan, raketisten partidua, frontoian.