plaentxia.eus

Ikusmira, ziba erakustaldian eta lehiaketan

  Gizartea

Plaza Berrian borobila egin, eta Jose Moralesen, Ekuadorreko, Espainiako eta Mexikoko ziba txapeldunaren eskutik ziba erakustaldi eta lehiaketa ikusgarria egin zuten atzo, martitzena. Boomerang-a, txakurtxoa… eta bestelako figurak zela egiten ziren erakutsi zioten elkarri bertaratutakoek. 15 egun barrurako egin du hurrengo hitzordua. Bideoko bi lagunak dira gazteen mailako lehiaketako lehen bi irabazleak: Oihan Larrañaga eta Imanol Agirre.

Neska-mutiko eta gazte mordoa erakarri zituen Jose Morales ziba txapeldunak gidatutako ziba hitzorduak. Moralesek erakustaldia egin zuen lehenengo, zibarekin landu ditzakeen joko eta figura ikusgarriak eginez. Txalo zaparrada artean egin zituen erakustaldiak, guztiak ere ikusgarriak oso. 

Ziba bana opari

Gazteen eta umeen txanda etorri zen ondoren. Moralesek esandakoak eginez, lehian jardun zuten, nor baino nor trebeago zibarekin. Finala eta guzti jokatuta, umeen zein gazteen mailetan, lehen hiru irabazleek sari eta guzti izan zituzten; lehenengoek, noski, ziba bana jaso zuten opari. 

Moralesek jakinarazi zuen, gainera, 15 egun barru atzera ere etorriko dela Soraluzera. Maiatzaren 29an, bada, 16:40an zibarekin hitzordua dago udalerrian. Bien bitartean, buru-belarri praktikatzen ibiliko dira ume eta gazte asko, kalean ikusten den moduan, moda-modan daude-eta zibak Soraluzen.  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa