plaentxia.eus

Datorren urtean Soraluzen izango da Debagoieneko Trikitixa Eguna

  Kultura

Antzuolan izan zen zapatuan Soraluzeko Musika Eskolako Trikitixa eta Panderoko ikasle taldea, bertan ospatu zuten-eta, Debagoieneko XIV. Trikitixa Eguna. 270 trikitilari eta panderojole inguru elkartu zen bertan. Besteak beste, jakinarazi zuten datorren urtean Soraluzen egingo dutela ospakizuna.

Soraluzeko trikiti eta pandero-jole gazteek bat egin zuten Antzuolan bertako eta inguruko 270 bat trikitilari eta pandero-jolerekin: Bergarakoekin, Arrasatekoekin, Oñatikoekin, Aretxabaletakoekin, Eskoriatzakoekin, Aramaiokoekin, Zumarraga-Urretxukoekin eta Bermeokoekin.

Hurrengoa Soraluzen

Halakoetan ohi denez, guztien artean kalejira egin eta besteak beste, kontzertu modura, talde bakoitzak pieza bana interpretatu zzuten. 

Jakinarazi zuten, halaber, datorren urtean egun hori berori, 2019an Debagoeineko XV. Trikitixa Eguna izango dena, Soraluzen ospatuko dutela.  

(Bideoa eta argazkia: Ezozi Arrillaga).

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa