Eguzkitsu, urdin eta epel. Halaxe bilakatu da eguna orduek aurrera egin ahala, eta iragarpenaren arabera, bide beretik segiko du datozen orduotan. Mendi-gaineko argazkiak erakusten duen moduan, eguratsa garbi-garbi dago, itsasorainoko bista dago gaur Soraluzeko mendi-gainetik gozatzeko moduan.
Bihar eta etzi ere giro eguzkitsua izango dugula dio, gainera, Euskalmetek, gaurkoa baino beroagoa, hego-haize harroa tarteko. Hori bai, arratsaldeetan bero-hodeiak garatuko dira zenbait puntutan.
Hala ere, aitzakiarik bako eguraldia izango da geurean datozen egunotan, udaberri bete-betekoa.