plaentxia.eus

Ilunabarra, laino barik

  Gizartea

Atzo eguzkiaren bisita izan bagenu ere, gaur atzera ere bertan dugu euria. Bihar arte hementxe segituko duela dio Euskalmetek, zaparradak noizbehinkakoak izango diren arren. Badirudi, bada, oraingoz argazki bitartez gozatu beharko dugula egun eguzkitsu batek mendi-gainean utzitako ilunabarra.

Ilunabarra, laino barik
Ilunabarra mendi-gainean. Argazkia: Julian Ezenarro. | Ikusi handiago | Argazki originala

Atzoko eguraldi sikua kalean ibiltzeko aprobetxatu zuten herritar askok, ikusita azken boladan urriak direla halako egunak. Esateko moduan gaude ezohiko bilakatu direla, dagoeneko, atzo kalean ikusten zen neska-mutiko, heldu eta herritar ugariren zaratak eta jolasak.

Datorren astean, bero

Edozelan ere, eguraldi iragarpenek badiote zapatuan “eguraldi lasaia” izango dugula, ostarte zabalekin. Nahiz eta, hori bai, gaineratu duten balitekeela arratsaldean bero hodeiak garatu eta zaparradaren bat edo beste botatzea. Eta domekan, antzera samar ibiliko dela diote. Hori bai, Euskalmetek dioenez, tenperaturak atseginak izango dira, domekan, 20-22 gradu bitartekoak.

Hasiera batean, datorren astean, martitzenetik aurrera etorriko da eguraldi eguzkitsu eta beroa.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa