plaentxia.eus

Erretiroa 60 urterekin

  Gizartea

Gaur, barikua, mobilizaziotara deitu dituzte Euskal Autonomia Erkidegoko udaltzainak; arrazoia edo eskaera da erretiroa 60 urterekin nahi dutela hartu. CSL, CCOO, UGT, CSIF, COP eta Er.N.E. sindikatuek antolatu dute erretiroa aurreratzearen aldeko plataforma. Soraluzeko udaltzainek ere bat egiten dute eskaerarekin.

Erretiroa 60 urterekin
Soraluzeko Udaltzaingoa. | Ikusi handiago | Argazki originala

Gaur, barikua, 11:00etatik 12:00etara, Bilbon, Donostian zein Gasteizen, gobernuaren ordezkaritza-ordeetan elkarretaratzeak egitera deitu dituzte udaltzainak. “Hemengoak ez gaude mobilizatuta, baina eskaerarekin ados gaude”, jakinarazi dute Soraluzeko Udaltzaingotik.

Soraluzek gaur egun lau udaltzain ditu, eta gazteenak 56 urte.

Mobilizazio gehiago 

Gizarte Segurantzaren arabera, erretirorako adina aurreratu egin daiteke jarduera jakin batzuetan, nekezak, arriskutsuak, toxikoak, osasunarendako kaltegarriak edo heriotza tasa handiak eragin ditzaketen jardueren kasuan, hain justu ere.

Udaltzainen kolektiboak sei hilabete dihardu erretiroa aurreratzeko eskaera egiten. Eta erantzun positiborik jaso ezean, mobilizatzen segituko dute: apirilaren 20rako dute deituta hurrengo elkarretaratzea.  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa