Txifloak, zintzarriak, bozinak… eskuetan zituztela egin dute manifestazioa Soraluzeko pentsiodun eta erretiratu askok. 200 lagun inguru elkartu dira Plaza Berrian, handik irten eta manifestazio zaratatsuan parte hartzeko.
Hurrengoan ez
Gazte batzuk ere izan dira protestan, gutxi, hala ere. Heldu batzuk ere bai, baina haiek ere gutxi. Hori bai, Korner Morea elkarteko hainbat kide Zuei esker gara gu, pentsioak defendatu zioen pankarta eskuetan, manifestazioan izan dira, protestarekin bat eginez.
Amaieran, bertaratutako guztiei eskerrak eman ondoren, jakinarazi zuten datorren astelehenean ez dela elkarretaratzerik izango, jai-eguna delako.