“Ea benetan beldurtzen dituen”, dio Iker Aldazabal alkateak leihoan joan den astetik ipinita dagoen plastikozko gauerdiko mozoloari buruz galdetuta. Txoriak Uxatzeko Hontza du izena produktuak eta txoriei kalte egin barik haiek uxatzen rabiltzen da, berau ikustean txoriek alde egiten dute-eta.
“Proba moduan ipini dut. Abade etxe inguruan uso mordoa egoten dira, eta lo egitera etortzen dira. Ea funtzionatzen duen, eta funtzionatzen badu aukera legoke beste leku batzuetan ere ipintzeko”, azaldu du hark.