Ur etenari dagokionez, Gabolatseko obretan eztanda egin du hodi batek goizaldean. Bertatik ur askok ihes egiten zuela-eta, ura moztu egin dute, 07:00ak ingurura arte. Hori horrela, herritar askok ezusteko handia hartu dute goizean jaiki eta ur barik zeudela ikusita.
Matxura
Argindarrari dagokionez, berriz, 16:00ak inguruan joan da udalerriko hainbat puntutan, Txurrukenetik hasi eta Sagar Errekaraino. Udaltzaingoak emandako informazioaren arabera, Iberdrolak matxuraren bat izan du, eta berau konpondu bitartean (20:00ak arte izan litekeela diote) beste zirkuitu batetik bideratu dute argindarra udalerrira. Hori bai, leku batzuetan, baserriren batean zein beste, argindar barik segitzen dute oraindik ere.