plaentxia.eus

Eibarko manifestaziora joateko deia egin dute elkarretaratzean

  Gizartea

Gaur ere ehunka herritarrek babestu dute pentsio duinen aldeko elkarretaratzea. Bukatzean, Eibarren zapatuan egingo den manifestazioan parte hartzeko deia egin dute. Bestalde, martxoaren 26an Soraluzen ere manifestazioa egingo dute.

Eibarko manifestaziora joateko deia egin dute elkarretaratzean
Herritarrak elkarretaratzean, gaur. | Ikusi handiago | Argazki originala

Hain justu, zapatuan 12:00etan da hitzordua Eibarren eskualde mailako manifestazioa egiteko. Eta egun berean Donostian beste manifestazio bat egingo dute, 18:00etan Donostian. Soraluzetarrek bietan parte hartzeko aukera dute, jakina, baina errazago ikusten da Eibarkora joatea, autobusean.

Manifestazio zaratatsua

Bestalde, gaurko elkarretaratzearen amaieran jakinarazi dute martxoaren 26an, astelehena, elkarretaratzea barik, Soraluzen ere manifestazioa egingo dutela. Zaratatsua izan dadin nahi dute. Hala, eskatu dute zarata ateratzeko gailuekin bertaratzeko egun horretan: txifloekin, zartaginekin...

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa