plaentxia.eus

«Bikain» borobildu zuten atzo, zapatua, M8a

  Gizartea
«Bikain» borobildu zuten atzo, zapatua, M8a

«Ba eguna bikaina izan zan, poteorako elkartu ginan eta hor ya kuleruak, pelukak, boak... danetik jantzi genituen». Indartsu, eta batez ere koloretsu eta umoretsu hasi eta bukatu zuten eguna atzo, zapatua, Kuleruak buruan nazioarteko egunaren bueltan elkartu ziren 17 lagunek. «Egun borobila izan zen», laburtu dute antolatzaileek.

Korner Morearen eskutik egin zuten atzoko ospakizuna, aurtengo Martxoaren 8ko ekimenak borobiltzen zituena. Elkarteko kide Alana Berraondok laburtu du atzoko eguna, ondoko berbekin:

«Ixa 4etan hasi ginan bazkaltzen, poteua luzatu ginualako, eta bazkalostian bertsuetaz gozatu ginuan (gero baten batzuk be bertsotara ausartu ziran jej). Barre mordoa egin genuen, kantuan, dantzan... 17 pertsona elkartu ginan azken orduko baja batzuk egon ziran eta».

Gazteak

Edozein modutan, elkartu zen taldearen ezaugarri positiboa azpimarratu zuen elkarte feministako kideak: «Baina ez dozku preokuapatzen kantidadiak, ze kalitatia kristonekua izan zan. Hala ta be, hurrengo urtera begira jendia animatzen dou etortzera egun politx bat pasatzera elkarrekin. (Aurten egon dira eta gaztiauak, lehengo aldiz etorri diranak, ta oso ondo pasau zebela esango neuke.) Egun borobila izan zan!».

Pintxo-pote aldarrikatzailea

Bestalde, eguenean pintxo-pote aldarrikatzailea egin zuten Plaza Berrian, hori ere Korner Morearen eskutik. Maite Garmendiaren argazkiek erakusten duten moduan, herritar askok gustura jan zituzten prestatutako pintxoak.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa