plaentxia.eus

AGNH nahasmenari aurre egiteko baliabide eskasia salatu zuten

  Gizartea

Arreta Gabeziaren Nahastea Hiperaktibitatearekin izeneko nahasmena zer den, zein ezaugarri dituen, umeengan zein eragin duen eta beste azaldu zuen ADAHIGI elkarteko Gurutze Agirre pedagogo soraluzetarrak herriko antzokian egindako hitzaldian.

AGNH nahasmenari aurre egiteko baliabide eskasia salatu zuten
Gurutze Agirre hitzaldia ematen. | Ikusi handiago | Argazki originala

Besteak beste, hark azaldu zuen jaiotzetik datorren nahasmen neurobiologikoa dela, hereditarioa, bereziki maskulinoa dela eta berau pairatzen duten umeei behar duten laguntza eskaintzeko baliabide gabezia handia dagoela salatu zuen, formazio aldetik, batik bat.

Baita ere azaleratu zuen 25 neska-mutikotatik batek pairatzen duela nahasmen mota hori, beraz, ez dela horren ezohikoa, gertatzen dena dela, kasu askotan ez dela ikusten.

ADAHIGI elkartea, laguntzeko

Atxolin Guraso Elkarteak antolatuta eman zuen hitzaldia pedagogo soraluzetarrak. Arreta Gabeziaren Nahastea Hiperaktibitatearekin izeneko nahasmen hori pairatzen duten umeen gurasoei laguntza ematen dien ADAHIGI elkartearen berri ere eman zuen hark, esplikatuz, gaur egun behin nahasmena diagnostikatuta, laguntasun gutxi izaten dutela ume horiek eta haien familiek euren bizimoduetan. Eta horregatik sortu zutela ADAHIGI elkartea 2002an.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa