plaentxia.eus

AGNH-a aztergai, bihar herriko antzokian

  Gizartea

Arreta Gabeziaren Nahastea Hiperaktibitatearekin (TDAH); horixe da AGNH laburduraz osatutako trastornoa. Neska-mutikoen %5-7ak bizi dute nahasmen hori. Bada hain justu, horren gaineko tailerra landuko dute bihar, martitzena, herriko antzokian.

18:30ean da hitzordua. Eta tailerra lantzera etorriko da Gurutze Agirre pedagogoa.

Zalantzak argitzera

Noiz hasi behar dut kezkatzen semeak edo alabak ez baditu jarraitzen aholkuak; edo ezin bada geldi egon; pentsatu gabe jokatzen badu; bere onetik atertzen bada… Zer egin dezaket? Badaukat diagnostikoa, orain zer? Nola lagun diezaioket egunerokotasunean?

Halako galderak mahai gainean jarrita landuko dute tailerra, 20:00ak bitartean. Interesa duen edozein bertara daiteke, eta sarrera doan da.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa